USA: Umuganga w’umwirabura ni we wahereweho mu guhabwa urukingo rwa COVID-19

Yanditswe na Ntabareshya Jean de Dieu
Kuya 15 Ukuboza 2020 saa 10:40
Yasuwe :
0 0

Nyuma y’uko urukingo rwa Coronavirus rwemejwe muri Leta Zunze Ubumwe za Amerika, abakora mu mirimo y’ubuvuzi nibo bahereweho mu guhabwa uru rukingo nka bamwe mu bafite ibyago byinshi byo kwandura iki cyorezo.

Mu Cyumweru gishize nibwo Ikigo gishinzwe Imiti n’Ibiribwa (FDA) cyemeje ikoreshwa ry’urukingo rwakozwe na Pfizer ifatanyije na BioNTech. Kuri uyu wa Mbere nibwo uru rukingo rwagejejwe muri leta zitandukanye z’iki gihugu.

CNN yatangaje ko abakozi mu bigo bitandukanye by’ubuvuzi ari bo bahawe uru rukingo bwa mbere, yemeza ko bizafata igihe kibarirwa mu mezi kugira ngo rugere ku baturage basanzwe.

Sandra Lindsay, umwirabura ukora mu bitaro bya New York niwe wabaye uwa mbere muri Amerika uhawe uru rukingo.

Abahawe uru rukingo rwa Covid-19, batangaje ko bafite icyizere kandi ko bameze neza ndetse bemeza ko nta tandukaniro riri hagati y’uko umuntu yiyumva iyo yaruhawe n’uko yiyumva iyo yahawe izindi.

Umuyobozi Mukuru w’Ikigo gishinzwe kurwanya indwara zandura muri Amerika, Dr Anthony Fauci, yaburiye Abanyamerika ababwira ko kuboneka k’urukingo, bitavuze ko indwara yarangiye mu gihugu.

Uru rukingo rubonetse mu gihe Leta Zunze Ubumwe za Amerika zikomeje kwibasirwa na Covid-19, umubare w’abarwara n’abapfa bishwe n’iki cyorezo ukomeje kwiyongera umunsi ku munsi.

Sandra Lindsay niwe muganga wa mbere wahawe urukingo rwa Covid-19 muri Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .