00:00:00 IGIHE NETWORK KN KINYARWANDA EN ENGLISH FR FRANCAIS

Urukingo rwa Sputnik V rw’Abarusiya rugiye kujya rutangwa inshuro imwe

Yanditswe na Mukahirwa Diane
Kuya 7 Gicurasi 2021 saa 10:05
Yasuwe :
0 0

Inzego zishinzwe ubuzima mu Burusiya, kuri uyu wa Kane, zemeje ko urukingo rwa Covid-19 rwo mu bwoko bwa Sputnik V, ruzajya ruterwa umuntu inshuro imwe gusa rukabasha kumuha ubudahangarwa ku cyorezo cya Covid-19.

Nation dukesha iyi nkuru yavuze ko inzego z’ubuzima mu Burusiya zatangaje ko amakuru yagaragajwe mu bushakashatsi bumaze amezi arenga atanu, yerekana ko umuntu wahawe dose imwe y’urukingo rwa Sputnik V yubaka ubudahangarwa bwo kwirinda Covid-19 ku kigero cya 79.4%, mu gihe uhawe dose ebyiri yubaka ubu budahangarwa ku kigero kirenga 90%.

Bavuze ko ubudahangarwa bwa 79.4% bwo kwirinda Covid-19 buhagije, ku buryo umuntu ashobora guhabwa urukingo rumwe kandi ntagire ikibazo icyo ari cyo cyose cyo kwandura Covid-19.

Kugeza ubu urukingo rwa Sputbik V rwemerewe gutangwa mu bihugu birenga 60, aho abarenga miliyoni 20 nibo bamaze guhabwa dose ya mbere y’uru rukingo.

Urukingo rwa Sputnik V rugiye kujya rutangwa inshuro imwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .