00:00:00 IGIHE NETWORK KN KINYARWANDA EN ENGLISH FR FRANCAIS

Urugo rwa Perezida Biden rwasatswe, hatahurwa izindi nyandiko z’ibanga

Yanditswe na Bukuru JC
Kuya 22 Mutarama 2023 saa 08:32
Yasuwe :

Inzego z’iperereza muri Leta Zunze Ubumwe za Amerika kuri uyu wa Gatandatu zasatse urugo rwa Perezida Joe Biden ruherereye muri Leta ya Delaware, ruhasanga izindi nyandiko esheshatu zirimo amabanga ya Leta.

Ni isaka ryabaye nyuma y’inyandiko zagaragaye mu biro Biden yahoze akoreramo, zirimo iz’igihe yari Visi Perezida wa Amerika.

Hari gukorwa iperereza ku mpamvu izo nyandiko zari zikibitswe na Biden kandi amabanga y’abayobozi bakuru muri Amerika mu gihe bari mu kazi, asigara mu bubiko bw’igihugu iyo batakiri muri iyo myanya.

BBC yatangaje ko isaka ryakozwe mu rugo rwa Biden, we n’umugore we badahari, nubwo aribo batanze uburenganzira ngo rikorwe.

Inyandiko za mbere zirimo amabanga ya Leta zabonetse tariki 2 Ugushyingo 2022, mu gihe iza kabiri zabonetse tariki 20 Ukuboza uwo mwaka.

Ntabwo haramenyekana impamvu izo nyandiko Biden yari akizibitse kandi zikwiriye kuba ziri mu bubiko bw’inyandiko za Leta.

Hashyizweho umushinjacyaha wihariye Robert Hur, ushinzwe gukurikirana iperereza kuri iki kibazo cya Biden.

Izi nyandiko zishobora kubangamira Biden mu rugendo rwe rwo gushaka manda ya kabiri mu matora azaba umwaka utaha.

Urugo rwa Biden rwasatswe kuri uyu wa Gatandatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .