Urugendo rw’indege rurerure kurusha izindi ku Isi rugiye gusubukurwa

Yanditswe na Mutangana Gaspard
Kuya 22 Ukwakira 2020 saa 11:44
Yasuwe :
0 0

Singapore Airlines yatangaje ko ku wa 9 Ugushyingo izasubukura urugendo rurerure rw’indege ku Isi, ruhuza Singapore na New York muri Leta Zunze Ubumwe za Amerika.

Ni urugendo rw’indege ruhiga izindi mu burebure ku Isi, kuko indege izajya ihaguruka ku kibuga cy’indege cya Singapore Changi Airport yerekeze ku kibuga cy’indege mpuzamahanga cyitiriwe JF Kennedy, mu mahaha 18h05’.

Ni mu gihe kuva New York ugera muri Singapore byo bizajya bifata amasaha 18h40 bitewe nuko mu kugaruka muri Singapore indege ihura n’ikibazo cy’umuyaga ukomeye. Ni urugendo rufite intera ya kilometero zirenga 15300.

Muri uru rugendo, Singapore Airlines izajya ikoresha indege yo mu bwoko bwa Airbus A350-900. Muri iyi ndege hazajya hajyamo abagenzi 253 bari mu byiciro bitandunye, kandi bategetswe kwambara udufukamunwa igihe cyose batari kurya cyangwa kunywa, na ho abapilote bo bazajya baba bambaye uturindamaso, uturindantoki n’udupfukamunwa, mu rwego rwo kwirinda Coronavirus.

Uru rugendo rwari rwarasubitswe ku wa 23 Werurwe uyu mwaka, mu rwego rwo kwirinda ikwirakwira ry’ icyorezo cya covid-19. Ruzajya ruba inshuro eshatu mu cyumweru.

Singapore Airlines igiye gusubukura urugendo rwa mbere rurerure ku isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .