00:00:00 IGIHE NETWORK KN KINYARWANDA EN ENGLISH FR FRANCAIS

Urubuga rwa Facebook rwafunze urukuta rwa Netanyahu

Yanditswe na Tuyishimire Raymond
Kuya 4 Gashyantare 2021 saa 07:27
Yasuwe :
0 0

Urubuga rwa Facebook rwafunze urukuta rwa Minisitiri w’Intebe wa Israel, Benjamin Netanyahu, rumuziza kurenga ku mabwiriza arugenga.

Netanyahu yahowe kuba yaranditse ku rukuta rwe ati "Niba ufite inshuti cyangwa undi wo mu muryango wawe ufite imyaka 60 utarakingirwa, ushobora kwandika hano amazina ye ndetse na nimero ye telefoni ya hanyuma nkamuhamagara nkamusaba kurwiteza".

Facebook yavuze ko mu mabwiriza ayigenga, itemerera abantu kubaza abandi amakuru ajyanye n’ubuzima bwabo bwite, bityo kuba Netanyahu yabikoze kandi ari Umuyobozi Mukuru ari ukuyarengaho ari nayo mpamvu agomba gufatirwa uwo mwanzuro.

Ishyaka rya Netanyahu ryatangaje ko ibyatangajwe n’uyu muyobozi "byari bigamije gukangurira abantu bageze mu myaka 60 gufata urukingo hagamijwe kurokora ubuzima bwabo”.

Israel ni kimwe mu bihugu bimaze gutanga inkingo nyinshi, aho abaturage bagera kuri 30% by’abatuye icyo gihugu nibura bamaze guhabwa urukingo rumwe.

Ibi Netanyahu ari kubikora mu gihe yitegura amatora ategerejwe ku wa 23 Werurwe uyu mwaka, kandi ingingo y’itangwa ry’urukingo ikazagira uruhare mu kugena uko amatora ashobora kuzagenda.

Benjamin Netanyahu yavanywe kuri Facebook

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .