Umwavoka wa Trump yashyizwe mu bitaro kubera COVID-19

Yanditswe na Uwimana Abraham
Kuya 7 Ukuboza 2020 saa 08:48
Yasuwe :
0 0

Umwavoka wihariye wa Donald Trump, Rudy Giuliani, yasanzwemo Covid-19 ahita ajyanywa mu bitaro kwitabwaho.

Perezida Trump yahise yandika ku rubuga rwa twitter ati “Urware ubukira Rudy, tuzakomerezaho.”

Giuliani niwe uyoboye itsinda ry’abanyamategeko ba Trump bakomeje kugaragaza ko Trump yaba yaribwe mu matora aheruka, akaba ari we muntu mu ba hafi cyane ya Donald Trump usanzwemo Covid-19 mu minsi ya vuba.

Perezida Trump n’abantu be bakunze kunengwa kwirengagiza nkana kubahiriza amabwiriza yo kwirinda Covid-19, Trump ubwe mu Ukwakira na we yasanzwemo Covid-19, nyuma aza kuyikira.

Rudy Giuliani w’imyaka 76, yajyanywe mu bitaro bya kaminuza ya Medstar Georgetown muri Washington DC.

Abinyujije ku rubuga rwa Twitter yashimiye abamwifurije gukira bose anatangaza ko ari gukira vuba byihuse.

Ati “Ndabashimira mwese nshuti n’abafana ku bw’amasengesho yanyu no kunyifuriza gukira, ndikwitabwaho neza ndumva meze neza, ndigukira vuba kandi nkomeje byose.”

Kuri ubu muri Leta Zunze Ubumwe za Amerika abamaze kwandura Covid-19 bagera kuri miliyoni 14,6, muri bo abagera ku 281.234 yarabahitanye, nicyo gihugu gifite umubare munini w’abamaze guhitanywa n’iki cyorezo.

Umwavoka wa Donald Trump, Rudy Giuliani, yasanzwemo Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .