Umwamikazi Elisabeth II w’imyaka 94 n’umugabo we Philip w’imyaka 99 bakingiwe kuri uyu wa Gatandatu mu ngoro ya Buckingham.

Amakuru aturuka ibwami avuga ko inkingo zatanzwe n’umuganga wo mu rugo rw’Umwamikazi [Windsor Castle], aho bahisemo gushyira hanze aya makuru mu rwego rwo guca ibihuha bimaze iminsi bivugwa kuri izi nkingo.

Muri iyi minsi hari ubwiyongere bw’ubwandu bwa virusi nshya, Minisitiri w’Intebe Boris Johnson aherutse gutegeka ko ibikorwa bitandukanye bifungwa hatangira kwihutisha gukingira abantu mu rwego rwo gukumira ikwirakwira ry’icyorezo.

Guverinoma y’u Bwongereza ifite gahunda yo gukingira abageze mu zabukuru, abakora mu by’ubuzima n’abandi bafite ibyago byo kwandura bagera kuri miliyoni 15 kugeza muri Gashyantare uyu mwaka ari nabwo hateganywa koroshya ingamba zashyizeho nyuma y’uko imibare y’abandura ikomeje kuba myinshi.

U Bwongereza ni igihugu cya Gatanu ku Isi mu bifite umubare munini w’ubwandu bwa COVID-19, kuko mu minsi 28 ishize hamaze kwandura abantu 800 000, naho abamaze gupfa ni 1325.

Umwamikazi w'u Bwongereza n'umugabo we bakingiwe Coronavirus