Ku wa Mbere tariki 16 Nzeri 2024, nibwo Umufaransa Thierry Breton yatangaje ko yeguye ku nshingano yari afite muri EU.

Nyuma y’amasaha make yahise atangaza ko gufata iki cyemezo yabitewe n’ubugambanyi bwa Ursula von der Leyen.

Yavuze ko uyu mugore yamuciye ruhinga nyuma atangira gusaba Perezida w’u Bufaransa Emmanuel Macron kumwirukana.

Mu butumwa Thierry Breton yanyujije kuri X yagize ati “Mu minsi mike ishize wasabye u Bufaransa kunkuraho, kubera impamvu zawe bwite utigeze unganirizaho na gato imbonankubone.

Thierry Breton yeguye mu gihe hari hashize iminsi mike yongerewe kugirirwa icyizere na Perezida Macron cyo gukomeza izi nshingano muri EU.

Yeguye kandi mu gihe habura iminsi mike ngo Ursula von der Leyen atangaze abazaba bagize akanama k’Abakomiseri ba EU.

Thierry Breton yashinje Perezida wa Komisiyo y’Umuryango w'Ubumwe bw'u Burayi (EU), Ursula von der Leyen kumugambanira