Umuvandimwe wa Trump agiye gushyingurwa

Yanditswe na Ndahayo Emmanuel
Kuya 21 Kanama 2020 saa 06:38
Yasuwe :
0 0

Umuvandimwe wa Perezida Donald Trump, Robert Trump, arashyingurwa kuri uyu wa gatanu, nyuma yo gutabaruka azize uburwayi butatangajwe.

Robert Trump yaguye mu Bitaro bya New York nyuma ‘yo kumara amezi menshi arwaye’.

Trump yavuze ko murumuna we yakunda igihugu cyane. Ati “Ndatekereza ko azahabwa icyubahiro akwiriye. Yakundaga igihugu cyacu cyane. Yari atewe ishema n’ibyo twakoraga n’ibyo dukomeje gukorera igihugu.”

Biteganyijwe ko umuhango wo guherekeza nyakwigendera witabirwa n’abantu benshi barimo abanyacyubahiro, abo mu muryango wa Trump no mu muryango w’umugore we, Melania Trump.

Igiciro k’ibizakoreshwa kizishyurwa na Perezida Trump ubwe.

Robert Trump yari umwana ukurikira Donald Trump, kuri ubu yari asanzwe ari Visi Perezida w’Umuryango wa Trump.

Byitezwe ko uyu mugabo wari ufite imyaka 71 aza gushyingurwa mu Cyumba cy’i Burasirazuba (East Room), ubusanzwe kidakunze gukoreshwa imihango yo gushyingura.

Ni icyumba gifite amateka akomeye, cyaherukaga gukorerwamo imihango yo gushyingura mu 1963, ubwo Perezida John F. Kennedy yicwaga.

Ni icyumba kandi cyaruhukishirijwemo Perezida Abraham Lincoln [wabaye perezida wa 16 wa Leta Zunze Ubumwe za Amerika] mu 1865, nyuma y’imyaka itatu umuhungu we w’imyaka 11 nawe aruhukiyemo.

Ni ho kandi Franklin D. Roosevelt yakoreye imihango yo gusezera ku mujyanama we mu bya politiki akaba n’inshuti ye ikomeye, Louis Howe, mu 1936.

Muri iki cyumba kandi ba Perezida William Harrison mu 1841 na Zachary Taylor mu 1850, bakoreye imirimo yo gushyingura, baba ari na bo ba mbere bakoreye icyo gikorwa muri icyo cyumba.

Umuvandimwe wa Trump agiye gushyingurwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .