Amakuru dukesha The Citizen avuga ko uyu mugabo yarashwe mu Ukwakira mu 2022 ariko amakuru y’urupfu rwe aza kumenyeshwa umuryango we, mu Ukuboza 2022 binyuze muri Ambasade ya Tanzania i Moscow.

Kugeza ubu umuryango wa Nemes Tarimo utegerejwe muri Tanzania.

Abagize umuryango w’uyu musore w’imyaka 33 bavuga ko yageze mu Burusiya ubwo yafatirwaga ku kibuga cy’indege i Moscow afite ibiyobyabwenge, ndetse arakatirwa aranafungwa.

Ubwo intambara yo muri Ukraine yatangiraga, uyu musore yaje kwegerwa n’ubuyobozi asabwa kwinjira mu mutwe w’abacanshuro wa Wagner urwana ku ruhande rw’u Burusiya. Yari yijejwe ko azamara amezi atandatu ku rugamba ubundi akarekurwa agataha.

Nemes Tarimo ukomoka muri Tanzania yatabye Imana nyuma yo kurasirwa ku rugamba muri Ukraine mu gace ka Donbas, aho yarwanaga ku ruhande rw’u Burusiya