Umunya-Iran kabuhariwe mu gukora intwaro za kirimbuzi yishwe, hatunzwe agatoki Israel na Amerika

Yanditswe na Umwali Zhuri
Kuya 28 Ugushyingo 2020 saa 07:20
Yasuwe :
0 0

Umwe mu bantu bari bakomeye mu bijyanye no gutunganya nucléaire no kuyibyazamo intwaro za kirimbuzi, Mohsen Fakhrizadeh-Mahavadi, yishwe arasiwe hafi y’Umurwa Mukuru w’iki gihugu, Tehran.

Mohsen Fakhrizadeh-Mahavadi yari umwarimu, akaba n’umuhanga ukomeye mu bijyanye n’ingufu za nucléaire. Ni umwe mu bantu bari bakomeye muri iki gihugu ndetse bivugwa ko ariwe wari inyuma y’ibikorwa byo gutunganya intwaro za kirimbuzi.

Yishwe arashwe we n’abarinzi be babiri nk’uko byatangajwe na Minisitiri w’Umutekano. Abaturage basazwe n’uburakari, ndetse abayobozi batangiye gushyira mu majwi Israel na Leta Zunze Ubumwe za Amerika nk’abari inyuma y’urupfu rwe, bavuga ko ababigizemo uruhare bose bagomba kubiryozwa.

Igitero cyagabwe ku modoka ye, abarinzi be bagerageza kumurwanaho ariko biranga bararaswa nawe araraswa. Yahise ajyanwa kwa muganga ako kanya n’indege ya kajugujugu gusa yaje kugwayo kubera ibikomere yari yagize.

Mu 2018, Minisitiri w’Intebe wa Israel yari yavuze ko uyu mugabo ariwe ukuriye ibikorwa byo gukora intwaro za kirimbuzi mu mushinga wishwe “Amad’ [icyizere].

Imodoka ye yagabweho igitero, abarinzi be bagerageza kurwana ariko biba iby'ubusa
Mohsen Fakhrizadeh-Mahabadi ni umwe mu banyabwenge Iran yari ifite

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .