Amakuru y’uko Campa Cola igiye gusubira ku isoko yazamuye amarangamutima ya benshi ku mbuga nkoranyambaga, cyane abakuze banywa iki kinyobwa kidasembuye.

Mu mpeshyi y’uyu mwaka nibwo Ambani ateganya gushyira ku isoko Campa Cola izaba iri mu moko atatu, harimo imwe ya Cola, lemon n’iya Orange.

Iki kinyobwa cyigeze kwandika izina muri Aziya y’Amajyepfo cyane mu gihe Coca-Cola zabaga zidahari.

Campa Cola yakorerwaga mu Buhinde kuva kera. Isobanurwa nk’ikinyobwa kidasembuye cyakunzwe cyane mu myaka ya 1970 na 1980 mu bice byinshi kikarusha Pepsi na Coca-Cola.

Uko imyaka yagiye ishira, byatumye izi sosiyete zindi zikura Campa ku isoko, ari nayo mpamvu Mukesh Ambani ashaka kongera kuyigarura.

Campa Cola igiye gusubira ku isoko