00:00:00 IGIHE NETWORK KN KINYARWANDA EN ENGLISH FR FRANCAIS

Umugore wa Macron yinjiye mu mpaka za “uniforme” ku mashuri mu Bufaransa

Yanditswe na Idukunda Kayihura Emma Sabine
Kuya 13 Mutarama 2023 saa 09:05
Yasuwe :

Umugore wa Perezida w’u Bufaransa, Brigitte Macron, yinjiye mu mpaka ku ngingo yazamuwe mu Nteko Ishinga Amategeko, zo kwemeza ko abanyeshuri bo mu Bufaransa bakwiga bambaye imyenda y’ishuri yabugenewe.

Izi mpaka zije nyuma y’uko guhera mu 1968, muri icyo gihugu bitigeze biba itegeko ko abanyeshuri biga bambaye imyenda y’ishuri ‘uniforme’.

Aganira n’ikinyamakuru Le Parisien cyo mu Bufaransa, Brigitte Macron yatangaje ko abanyeshuri bagomba kwambara imyenda y’ishuri, kuko bibacyereza bahitamo imyenda yo kwambara mu gitondo.

Ati ‘‘Bikuraho itandukaniro! Tuzigama igihe. Bitwara igihe mu guhitamo imyenda yo kwambara mu gitondo, ndetse bitwara n’amafaranga bitewe n’ibirango by’inganda zikora imyenda.”

Akomeza agira ati ‘‘Ndasaba ko hakwambarwa imyenda y’ishuri, yoroheje idakanganye.’’

Brigitte Macron yavuze ibi nyuma y’uko Minisitiri w’Uburezi w’icyo gihugu, Pap Ndiaye, yari aherutse gutangaza ko adashyigikiye ko byaba itegeko guhatira abanyeshuri bose ko bakwambara imyenda y’ishuri.

Ku bigendanye n’izi mpaka, bamwe bagaragaje ko kwambara imyenda y’ishuri ari byiza kuko bituma hakurwaho itandukaniro mu banyeshuri cyane cyane mu bigendanye n’ubushobozi, mu gihe abandi bagaragaje ko izi mpaka atari ngombwa kuko ari ukwambura uburenganzira abanyeshuri ndetse ko kubahohotera.

Umugore wa Perezida w’u Bufaransa, Brigitte Macron, yinjiye mu mpaka ku ngingo yo kwambara imyenda y'ishuri mu Bufaransa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .