Ubwo yakinaga n’imbwa ye, Joe Biden yanyereye avunika ukuguru bikomeye

Yanditswe na IGIHE
Kuya 30 Ugushyingo 2020 saa 08:56
Yasuwe :
0 0

Umuganga wa Joe Biden, uherutse gutorerwa kuyobora Leta Zunze Ubumwe za Amerika, yahishuye uko uyu mugabo yavunitse ikirenge ubwo yari ari gukina n’imbwa ye, Donald Trump bari bahanganye mu matora amwifuriza gukira vuba.

Ku Cyumweru nibwo Dr Kevin O’Connor usanzwe ukurikiranira hafi ubuzima bwa Joe Biden yatangaje ko ubu afite imvune ku kirenge yatewe no kunyerera ubwo yari ari gukina n’imbwa ye.

Dr Kevin O’Connor yavuze ko imvune y’uyu mugabo idakanganye, ko ariko bizamusaba kugendera mu nkweto zihabwa abavunitse zizwi nka ‘walking boots’, nibura mu gihe cy’ibyumweru.

Ubwo kuri Twitter hashyirwaga amashusho agaragaza Joe Biden acumbagira, mu bamwifurije kurwara ubukira harimo uwo bari bahanganye mu matora Perezida Donald Trump.

Joe Biden usanzwe ubarizwa mu ishyaka ry’Aba-démocrates aherutse gutorerwa kuyobora Amerika, bimugira umuntu wa mbere utorewe uyu mwanya akuze kuko afite imyaka 78.

Joe Biden yavunitse ikirenge ubwo yakinaga n'iyi mbwa ye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .