Umubare w’impunzi wiyongereyeho miliyoni 79.5 mu 2019

Yanditswe na Bukuru JC
Kuya 18 Kamena 2020 saa 11:37
Yasuwe :
0 0

Ishami ry’Umuryango w’Abibumbye ryita ku mpunzi (UNHCR), ryatangaje ko umwaka ushize abantu bagera kuri miliyoni 79.5 bavuye mu byabo, bikaba ari ubwa mbere bageze kuri uyu mubare.

Uyu mubare w’abantu bahunze intambara no guhozwa ku nkeke cyangwa ihohoterwa, urangana na 1% by’abaturage bose batuye Isi yose.

UNHCR yerekana ko umubare w’abahunze mu 2019 wiyongereyeho miliyoni icyenda ugereranyije na 2018. Syria, Venezuela, Afghanistan, Sudani y’Epfo n’aba Rohingya, batagira igihugu nibo benshi cyane.

Abagera kuri 73% ni abashaka ubuhungiro mu bihugu by’abaturanyi. Mu myaka 10 ishize, abari munsi y’ibihumbi 400, nibo batahutse mu bihugu byabo bavuye kuri miliyoni 1.5 mu myaka ya za 1990.

Umuyobozi wa UNHCR, Filippo Grandi, yavuze ko mu myaka 10 ishize umubare w’abahunze ku Isi yose ari miliyoni 40, bakaba barikubye kabiri.

Mu mpera za 2019, abagera hafi kuri miliyoni 46 bakuwe mu byabo bahungira imbere mu gihugu mu gihe abagera kuri miliyoni 26 bahungiye hanze y’ibihugu byabo. Abagera kuri miliyoni 4.2 barashaka ubuhungiro.

Grandi yanenze Umuryango w’Abibumbye kunanirwa gukemura amakimbirane atuma abaturage bahunga.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .