00:00:00 IGIHE NETWORK KN KINYARWANDA EN ENGLISH FR FRANCAIS

Ukraine yigambye kwica abasirikare babiri bakuru b’u Burusiya

Yanditswe na Rosine Ingabire
Kuya 24 April 2022 saa 02:03
Yasuwe :

Igisirikare cya Ukraine kigambye kwica abasirikare bakuru babiri b’u Burusiya mu mujyi wa Kherson uherereye mu Majyepfo y’igihugu.

Uyu mujyi uri mu yafashwe mbere n’igisirikare cy’u Burusiya ubwo cyagabaga ibitero muri Gashyantare 2022.

Inzego z’ubutasi za Ukraine zatangaje ko abo basirikare bakuru biciwe mu gitero cyagabwe ku birindiro by’ingabo z’u Burusiya muri Kherson kuri uyu wa Gatanu. Batangaje ko hari undi umwe wakomeretse bikabije.

Umujyanama wa Perezida wa Ukraine, Oleksiy Arestovych yatangaje ko ubwo ibyo birindiro byagabwaho igitero, hari harimo abasirikare 50 b’Abarusiya.

U Burusiya ntacyo bwigeze butangaza kuri aya makuru yashyizwe hanze na Ukraine.

Ukraine kandi yigambye guhanura indege ebyiri z’intambara z’u Burusiya mu mujyi wa Odesa nawo uri mu Majyepfo ariko nabyo u Burusiya ntacyo bwabitangajeho.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .