00:00:00 IGIHE NETWORK KN KINYARWANDA EN ENGLISH FR FRANCAIS

Ukraine yateye intambwe yerekeza ku kuba umunyamuryango wa EU

Yanditswe na IGIHE
Kuya 18 June 2022 saa 12:58
Yasuwe :

Akanama k’u Burayi kashyigikiye ubusabe bwa Ukraine bwo kugirwa umukandida ushobora kwinjira mu muryango w’Ubumwe bw’u Burayi (EU), bituma iki gihugu gitera intambwe yerekeza ku kuba umunyamuryango.

Perezida w’aka kanama, Ursula von der Leyen yavuze ko akazi keza kakozwe na Ukraine, ariko ko hari byinshi bigikenewe. Yongeyeho ko Ukraine igomba gukora amavugurura akomeye mu butegetsi bwubahiriza amategeko, ku baherwe bafite ijambo muri politiki, ku burenganzira bwa muntu no mu guhashya ruswa.

Kugirwa umukandida ni intambwe ikomeye yo kwerekeza ku kuba umunyamuryango wa EU ariko igikorwa cyose cyo kugeza igihugu kibaye ikinyamuryango, gishobora gufata imyaka myinshi.

BBC yanditse ko bikenewe ko uku gushyigikirwa n’akanama k’u Burayi bishyirwaho umukono n’ibihugu binyamuryango 27 bigize EU. Ibi bihugu bizahura mu cyumweru gitaha byiga kuri iyi ngingo.

U Bufaransa, u Budage n’u Butaliyani byamaze gushyigikira ubusabe bwa Ukraine. Perezida wa Ukraine Volodymyr Zelensky yatangaje kuri Twitter ko iki ari icyemezo cyanditse amateka kizatuma intsinzi irushaho kuba bugufi.

Hagati aho, mu Burusiya ibiro bya Perezida bikomeje gukurikiranira hafi ibikorwa bya Ukraine byo gushaka kuba umunyamuryango wa EU.

Perezida Zelensky yavuze ko kwinjira muri EU ari inzira iganisha ku ntsinzi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .