00:00:00 IGIHE NETWORK KN KINYARWANDA EN ENGLISH FR FRANCAIS

Minisitiri w’Umutekano wa Ukraine n’abamwungirije baguye mu mpanuka ya kajugujugu

Yanditswe na IGIHE
Kuya 18 Mutarama 2023 saa 12:23
Yasuwe :

Minisitiri w’Umutekano mu gihugu muri Ukraine, Denis Monastyrsky, Minisitiri wungirije, Yevheniy Yenin n’Umunyamabanga wa Leta muri iyi minisiteri, Yuriy Lubkovychis, bishwe n’impanuka ya kajugujugu yabaye kuri uyu wa Gatatu.

Uretse aba bayobozi bakuru, iyi mpanuka yabereye mu Murwa Mukuru Kyiv mu gace ka Brovary yaguyemo abandi bantu 15, hakomereka 29 barimo abana 15.

CNN yatangaje ko kajugujugu yakoze impanuka ari iyo mu bwoko bwa Eurocopter EC225 Super Puma. Yahanutse igwa ku butaka nyuma yo kugira ibibazo tekinike.

Mu itangazo Umujyanama wa wa Minisitiri w’Umutekano w’imbere mu gihugu muri Ukraine, Anton Gerashchenko yashyize hanze, yavuze ko abantu icyenda bari muri iyi kajugujugu bose bapfuye ndetse ihitana n’abandi bantu yasanze aho yaguye.

Ati "Tuzahora tubibuka. Imiryango yanyuze tuzayitaho. Muruhukire mu mahoro nshuti."

Ukraine ipfushije aba bayobozi bakuru mu gihe intambara iyihanganishije n’u Burusiya ikomeje ndetse ikaba imaze kugwamo abasivile barenga 9000 nk’uko amakuru amwe abivuga.

Denys Anatoliiovych Monastyrsky yari umwe mu banyamategeko n’abanyepolitike bakomeye muri Ukraine. Yabonye izuba ku wa 12 Kamena mu 1980.

Ku wa 16 Nyakanga mu 2021 nibwo uyu mugabo yagizwe Minisitiri w’Umutekano mu gihugu.

Minisitiri w’Umutekano imbere mu gihugu muri Ukraine, Denis Monastyrsky, yaguye mu mpanuka ya kajugujugu
Abantu icyenda bari muri iyi ndege bose bapfuye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .