Ubuzima bwa Trump buhagaze neza nyuma y’isuzuma ritunguranye

Yanditswe na IGIHE
Kuya 17 Ugushyingo 2019 saa 05:58
Yasuwe :
0 0

Perezida wa Leta Zunze Ubumwe za Amerika, Donald Trump yatangaje ko ubuzima bwe buhagaze neza nyuma y’isuzuma yakorewe mu buryo butunguranye.

Ibiro bya Perezida muri Amerika nabyo byemeje ko koko Trump yasuzumwe kuri uyu wa Gatandatu agakorerwa n’ibizamini bya laboratwari.

Iryo suzumwa ngo ntabwo ryari riri muri gahunda ya Perezida Trump . Nubwo iby’ibanze bigaragaza ko ameze neza, ibisubizo birambuye ku buzima bwa Trump ntibiratangazwa nkuko BBC yabitangaje.

Ibi bizamini bije nyuma y’ibindi yakorewe mu mezi icumi ashize nabwo bagasanga ubuzima bwe buhagaze neza.

Ibiro bya Perezida byasohoye itangazo bivuga ko Trump yasuzumwe kuko byahuriranye n’uko muri izi mpera z’icyumweru nta kazi yari afite bityo bikaba ngombwa ko asuzumwa, gusa bagashimangira ko akimeze neza.

Ubusanzwe nta gihe runaka kizwi Perezida wa Amerika asuzumirwa ngo harebwe uko ubuzima bwe buhagaze ariko mu nshuro ebyiri ziherutse ibiro bya Perezida byabanzaga kumenyekanisha mbere ko agiye gusuzumwa.

Trump w’imyaka 73 ni we perezida wa mbere wa Amerika warahiye afite imyaka myinshi ari nayo mpamvu ubuzima bwe buvugwaho cyane.

Ubwo yiyamamazaga yavuze ko ari we Perezida wa mbere Amerika izagira ufite ubuzima buzira umuze.

Bamwe mu bakandida b’ishyaka ry’abademokarate bitezweho guhangana na Trump mu matora ataha nabo bafite imyaka isaga 70 ndetse byatangiye guteza impaka.

Umwe muri bo Bernie Sanders aherutse kujya kubagwa igitaraganya nyuma yo kurwara umutima.

Joe Biden na we uhabwa amahirwe afite imyaka 76. Yijeje abanyamerika ko azagaragaza impapuro zo kwa muganga zigaragaza uko ubuzima bwe buhagaze mbere y’uko amatora y’umwaka utaha aba.

Ibiro bya Perezida byasohoye itangazo bivuga ko Trump yasuzumwe kuko byahuriranye n’uko muri izi mpera z’icyumweru nta kazi yari afite bityo bikaba ngombwa ko asuzumwa, gusa bagashimangira ko akimeze neza.

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza