00:00:00 IGIHE NETWORK KN KINYARWANDA EN ENGLISH FR FRANCAIS

Ubushakashatsi bwagaragaje ubwoko bwinshi bwa Coronavirus mu Burusiya

Yanditswe na IGIHE
Kuya 8 Mutarama 2023 saa 03:25
Yasuwe :

Ubushakashatsi bw’Ikigo Gamaleia Research Center bwagaragaje ko mu gihugu cy’u Burusiya hari ubwoko bwinshi bwa Coronavirus kandi bwandura cyane, butandukanye na Omicron.

Umuyobozi w’iki kigo, Alexander Gintsburg, yavuze ko ari ngombwa ko hashakwa uburyo bushya bwo guhangana n’izi virusi nshya.

Mu kiganiro n’Ibiro Ntaramakuru by’Abarusiya, TASS, Gintsburg yagize ati "Ziri kuzenguruka nka Omicron ariko zifite inyuguti ya X, zitandukanye cyane na Omicron tuzi, ndetse zishobora kuzakenera inyuguti yazo yihariye."

Uyu mushakashatsi yavuze ko izi virusi nshya ziri gukwirakwira mu Burusiya zagiye zikomoka ku zindi hashingiye ku masano zifitanye.

Ishami ry’Umuryango w’Abibumbye ryita ku Buzima, OMS, ryatangaje ko virusi ya XBB.1.5 ya Omicron izwi nka ’Kraken’ yabonetse bwa mbere i New York mu 2022.

Ni yo virusi iteye ubwoba cyane yabayeho kuva iki cyorezo cya Covid-19 giterwa na Coronavirus cyabaho.

Inzego zishinzwe ubuzima mu Burusiya zivuga ko Omicron ikomeje gukaza umurego muri iki gihugu.

Umuyobozi w'Ikigo cy'Ubushakashatsi cya Gamaleia Research Center, Alexander Gintsburg, yavuze ko hari ubwoko bwinshi bwa virusi za Covid-19 mu Burusiya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .