00:00:00 IGIHE NETWORK KN KINYARWANDA EN ENGLISH FR FRANCAIS

Ubushakashatsi bwagaragaje ko Covid-19 ishobora kugira ingaruka z’igihe kirekire ku bwonko

Yanditswe na Umwali Zhuri
Kuya 29 Ugushyingo 2021 saa 07:12
Yasuwe :

Ubushakashatsi bwakorewe ku barwayi barenga ibihumbi 44 ba Covid-19, bwagaragaje ko ingaruka z’iyo ndwara zishobora kuba mbi cyane ku buryo zangiza ubwonko bw’uyirwaye, akaba yasigarana ibyago byo kugira ibibazo nka ‘stroke’ ndetse no kwangirika k’uturemangingo tw’ubwonko, kabone nubwo yaba yarakize Covid-19.

Ubu bushakashatsi bwagaragaje ko nibura umurwayi umwe mu barwayi 100 bashyirwa mu bitaro kubera Covid-19, aba afite ibyago by’uko iyo ndwara yanangije uturemangingo tw’ubwonko bwe, ku buryo iki kibazo ashobora kubana nacyo na nyuma yo gukira Covid-19.

Uretse kuba umurwayi ashobora kubana n’ibi bibazo byo kwangirika k’uturemangingo tw’ubwonko, birashoboka cyane ko ashobora no kwitaba Imana mu gihe akirwaye iki cyorezo, nk’uko Prof. Scott Faro wayoboye ubu bushakashatsi abivuga, ndetse ubu bushakashatsi bwerekanye ko hari abicwa n’ibibazo bagira kubera kwangirika k’uturemangingo tw’ubwonko.

Prof Scott Faro yavuze ko ingaruka za Covid-19 ku bwonko zidakwiriye kureberwa gusa ku ngaruka iyi ndwara igira ku ngingo zirimo umwijima, ibihaha n’imbyiko, kuko inangiza ubwonko.

Yagize ati “Handitswe byinshi ku ngaruka Covid-19 igira ku bihaha, ariko ntidukunze kuvuga ku zindi ngingo z’umubiri zigirwaho ingaruka n’iyi ndwara. Ubushakashatsi bwacu bwibanze ku ngaruka [Covid-19] igira ku bwonko, zishobora gutera ubumuga n’urupfu ku murwayi urwaye iki cyorezo.”

Ubu bushakashatsi bujya inama y’uko abarwayi ba Covid-19 bajya banasuzumwa mu buryo bugamije kureba niba iyi ndwara itaragize ingaruka ku miterere y’ubwonko bwabo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .