UAE yatangaje ko igiye guhagarika gutanga Viza kubera coronavirus

Yanditswe na Twarabanye Venuste
Kuya 14 Werurwe 2020 saa 08:25
Yasuwe :
0 0

Leta Zunze Ubumwe z’Abarabu (UAE) zatangaje ko guhera tariki 17 Werurwe 2020 zitazongera gutanga Viza z’ubwoko butandukanye uretse iz’Abadipolomate gusa mu rwego rwo kurwanya ikwirakwira rya Coronavirus.

Leta Zunze Ubumwe z’Abarabu zatangaje ko zibaye zihagaritse itangwa rya Visa zose z’abinjira uretse iz’abadipolomate, bikazatangira gukurikizwa ku itariki ya 17 Werurwe 2020.

Mu itangazo ryashyizwe ahagaragara kuri uyu wa Gatandatu tariki 14 Werurwe 2020 n’urwego rushinzwe abinjira n’abasohoka, rivuga ko icyemezo cyo guhagarika ingendo cyafashwe nk’inama y’Ishami ry’Umuryango w’Abibumbye ryita ku buzima (OMS) mu rwego rwo kwirinda ikwirakwira rya Coronavirus.

Abayobozi batangaje ko icyo cyemezo kizakurikizwa kugeza igihe ibihugu abantu baturukamo bizafata ingamba yo gusuzuma abagenzi. Uretse viza, ingendo z’indege za Liban, Iraq, Syria, na Turquie nazo zizahagarara.

Gulfnews yatangaje ko ari icyemezo UAE yafashe mu rwego rwo kurwanya icyorezo cya coronavirus ifatanyije n’ibindi bihugu byo ku Isi. Minisiteri y’Ubuzima muri UAE yatangaje ko abantu batatu barimo umuhindi umwe bakize bikuzuza umubare w’abantu 23 bari bayisanzwemo bayikize. Kuwa Kane tariki 12 Werurwe UAE yari yatangaje ubwandu bushya bw’abantu 11 bujuje abantu 85 yagaragayeho.

Leta Zunze Ubumwe z'Abarabu zabaye zihagaritse gutanga za viza mu rwego rwo kwirinda coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza