U Bwongereza: Se wa Boris Johnson mu nzira yo gusaba ubwenegihugu bw’u Bufaransa

Yanditswe na Theogene Uwiragiye
Kuya 1 Mutarama 2021 saa 02:22
Yasuwe :
0 0

Stanley Johnson, se wa Minisitiri w’Intebe w’u Bwongereza Boris Johnson, yatangaje ko agiye gusaba ubwenegihugu bw’u Bufaransa bitewe n’icyemezo igihugu cye cyafashe cyo kuva mu Muryango w’Ubumwe bw’u Burayi.

Mu kiganiro uyu musaza w’imyaka 80 ubarizwa mu ishyaka rya Conservative Party (CP) yagiranye na Radiyo RTL, yavuze ko icyemeze Guverinoma y’u Bwongereza iyobowe n’umuhungu we yafashe kitamunyuze, yemeza ko agiye gushaka ubwenegihugu bw’u Bufaransa cyane ko ari naho nyina akomoka.

Stanley Johnson yavuze ko ubwo habaga amatora ya kamarampaka ku kwivana mu Muryango w’Ubumwe bw’u Burayi k’u Bwongereza, yatoye ko bwagumamo nubwo atari ko byaje kugenda.

Se wa Boris Johnson yavuze ko kwaka ubwenegihugu bw’u Bufaransa atari uko ashaka kuba Umufaransa ahubwo yabitewe n’uko ashaka kugumana uburenganzira yahoranye mu Burayi. Yavuze ko kuva na kera yiyumva nk’Umunyaburayi.

Icyemezo cy’u Bwongereza cyo kuva mu Muryango w’Ubumwe bw’u Burayi, cyatandukanyije umuryango wa Johnson kuko mushiki wa Boris Johnson usanzwe ari umunyamakuru mu 2017 yavuye mu ishyaka rya (CP) yerekeza mu ishyaka rya Liberal Democrats muri 2017. Ibyo byakurikiwe no kwegura mu Nteko Ishinga Amategeko k’umuvandimwe wa Boris Johnson, Jo Johnson bitewe n’uko atari ashyigikiye Brexit.

Se wa Boris Johnson yavuze ko agiye kwaka ubwenegihugu bw'u Bufaransa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .