00:00:00 IGIHE NETWORK KN KINYARWANDA EN ENGLISH FR FRANCAIS

U Bwongereza: Polisi iri guhiga bukware uwarashe mu kivunge agahitana umwe

Yanditswe na Idukunda Kayihura Emma Sabine
Kuya 25 Ukuboza 2022 saa 02:19
Yasuwe :

Polisi y’u Bwongereza iri gushakisha umugabo warashe amasasu menshi mu mujyi wa Wallasey, akica umugore ndetse agakomeretsa benshi barimo abagabo batatu bakomeretse bikomeye.

Uku kurasa kwabaye mu gitondo cyo kuri iki Cyumeru, ku wa 25 Ukuboza 2022, mu kabari gaherereye i Merseyside, ubwo bari mu birori byo kwizihiza umunsi mukuru wa Noheli.

Abagabo batatu bakomerekejwe bikomeye bahise bajyanwa mu bitaro kugira ngo bitabweho, gusa polisi yatangaje ko hari n’abandi bakomeretse.

BBC dukesha iyi nkuru yavuze ko uyu mugore wahitanwe n’iki gitero, yapfuye nyuma yo kujyanwa mu bitaro ngo yitabweho, ariko birangira apfuye nk’uko polisi y’i Merseyside yabitangaje.

Abatuye muri ako gace karasiwemo abantu, bavuze ko bacyumva ayo masasu babanje kugira ngo ni abari kurasa ibishashi mu birori byo kwizihiza umunsi mukuru wa Noheli.

Polisi y’u Bwongereza iri guhiga bukware uwarashe mu kivunge agahitana umwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .