U Bwongereza bwatanze igihe ntarengwa cyo kumvikana na EU ku masezerano y’ubucuruzi

Yanditswe na Ishimwe Deborah
Kuya 7 Nzeri 2020 saa 02:32
Yasuwe :
0 0

U Bwongereza bwashyizeho itariki ya 15 Ukwakira nka nyirantarengwa yo kuba bemeranyije n’Umuryango w’Ubumwe bw’u Burayi (EU), ku masezerano y’ubucuruzi, byaba bitarakorwa bugakomeza Brexit ayo masezerano atabayeho.

U Bwongereza bwavuye muri EU ku wa 31 Mutarama uyu mwaka ariko buracyagendera ku mategeko ayigenga mu gihe cy’inzibacyuho kugeza ku wa 31 Ukuboza, mu gihe hagitegerejwe amasezerano y’ubucuruzi azagenderwaho n’impande zombi.

Nk’uko ibitangazamakuru byo mu Bwongereza byabitangaje, Minisitiri w’Intebe, Boris Johnson, kuri iki cyumweru yavuze ko amasezerano na EU agomba kugerwaho bitarenze tariki 15 Ukwakira 2020.

Ati “Ntituba tutarashobora kumvikana icyo gihe, simbona ko hazabaho amasezerano y’ubucuruzi rusange hagati yacu, kandi twese tugomba kubyemera tugakomeza.”

Umuyobozi uhagarariye u Bwongereza mu biganiro byo kwikura muri EU, David Frost, yavuze ko Guverinoma ye idatinya kuva mu biganiro by’ubucuruzi mu gihe uyu muryango waba utemeye ibyifuzo byayo ku bibazo bikomeye birimo uburobyi n’amategeko agenga imfashanyo zihabwa za leta.

Ibiganiro by’ubucuruzi hagati y’impande zombi birasubukurwa kuri uyu wa Kabiri i Londres, akaba ari ku nshuro yabyo ya munani ibi ibiganiro bibaye kandi bikaba biteganyijwe ko bizashyira akadomo ku biganiro byose.

Boris Johnson yavuze ko tariki 15 Ukwakira 2020 nizigera hatarabaho amasezerano y'ubucuruzi hagati ya EU n'u Bwongereza bazayareka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .