U Bwongereza bwakiriye urukingo rwa COVID-19, aba mbere bazakingirwa ku wa Kabiri

Yanditswe na IGIHE
Kuya 4 Ukuboza 2020 saa 05:14
Yasuwe :
0 0

Guverinoma y’u Bwongereza yatangaje ko yamaze kwakira inkingo za mbere z’icyorezo cya Coronavirus zakozwe n’inganda za Pfizer na BioNTech, ku buryo abantu ba mbere bazakingirwa mu cyumweru gitaha.

BBC yatangaje ko hari gahunda ko icyumweru gitaha kizashira hamaze kuboneka inkingo 800.000, mu gihe icyo gihugu cyatumije izigera kuri miliyoni 40.

Mu gihe abantu bari mu byago byo kuzahazwa na COVID-19 bazakingirwa bwa mbere guhera ku wa Kabiri w’icyumweru gitaha, izigenewe abageze mu za bukuru bari mu bigo bibitaho bazazisangishwayo.

Nyuma yo kwemeza gahunda y’ikingira mu Bwongereza, umuyobozi w’ikigo cya Leta Zunze Ubumwe za Amerika gishinzwe kurwanya indwara z’ibyorero, Dr Anthony Fauci, yabanje kunenga uburyo u Bwongereza bwihuse cyane mu kwemeza uru rukingo, avuga ko bishobora gutera impungenge abazaruhabwa.

Kuri uyu wa Kane yatangarije Fox News ko u Bwongereza butasuzumye bihagije uru rukingo, nk’uko abaganga ba Amerika barimo kubikora.

Gua kuri uyu wa Gatanu Dr Fauci yabisabiye imbabazi, avuga ko atari mu mwanya wo gucira urubanza ibyo u Bwongereza bwakoze, kuko bufite abaganga b’inzobere kandi bizewe.

Abongereza bagiye kubimburira abandi gukingirwa COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .