U Bwongereza bwahuje inshingano za DFID n’iz’ibiro bishinzwe ububanyi n’amahanga

Yanditswe na Iradukunda Serge
Kuya 3 Nzeri 2020 saa 10:38
Yasuwe :
0 0

Nyuma y’igihe Minisitiri w’intebe w’u Bwongereza,Boris Johnson atangaje ko hari gahunda yo guhuza imirimo y’Ikigega gishinzwe iterambere mpuzamahanga,DFID n’iy’ibiro bishinzwe ububanyi n’amahanga,FCO kuri ubu byamaze guhuzwa bikora icyitwa ‘Foreign,Common wealth& Development Office’ FCDO gihuriza hamwe inshingano z’iterambere n’ububanyi mpuzamahanga.

Muri Kamena nibwo Boris Johnson yavuze ko hari gahunda yo kwihuza kwa DFID na FCO, iki gihe yavuze ko ari umugambi uzahuza uruhare rw’u Bwongereza mu itembere ry’Isi n’ububanyi n’amahanga bityo bikarushaho kongerera ubukaka iki gihugu mu ruhando mpuzamahanga.

Iki gihe yagize ati “Iki ni igihe cya nyacyo, aho tugomba kwegeranya buri umwe mu mitungo y’igihugu irimo inkunga n’ubumenyi mu kurengera inyungu n’indangagaciro z’u Bwongereza mu mahanga”

Yakomeje agira ati “ kandi ikintu cyiza gishoboka cyazabidufashamo ni iri shami rishya (FCDO)”

Nyuma y’amezi ane Minisitiri Boris Johnson avuze ibi, Ku wa 2 Kanama Ambasade y’u Bwongereza mu Rwanda yatangaje ko DFID na FCO byamaze guhuzwa.

Muri iyi gahunda yo guhuza ibikorwa by’iterambere n’ububanyi n’amahanga, mu minsi iri imbere u Bwongereza kandi burateganya guha Ambasade zabwo hirya no hino ku Isi inshingano zo kugenzura abakomisiyoneri babwo mu bucuruzi.

Kugeza ubu Imirimo y'Ikigega gishinzwe iterambere mpuzamahanga yahujwe n'iy'ibiro bishinzwe ububanyi n'amahanga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .