U Bwongereza bwabaye igihugu cya mbere ku Isi kigiye gutangira gukingira Covid-19

Yanditswe na IGIHE
Kuya 2 Ukuboza 2020 saa 10:13
Yasuwe :
0 0

Inzego z’Ubuzima mu Bwongereza zemeje urukingo rwa Covid-19 rwakozwe n’ikigo Pfizer gifatanyije na BioNTech ndetse zitangaza ko guhera mu cyumweru gitaha ziratangira gukingira abantu mu buryo bwa rusange.

Mu minsi ishize nibwo Pfizer na BioNTech batangaje ko urukingo rwabo rwizewe ku buryo ndetse rufite ubushobozi bwo gukingira umuntu Covid-19 ku kigero cya 95%.

Nyuma y’iminsi mike ibi bigo bitangaje ibi, u Bwongereza bwabaye igihugu cya mbere cyemeye ko kigiye gutangira gukingira abantu mu buryo rusange.

Kugeza ubu iki gihugu cyari cyamaze kugura mbere y’igihe ingano y’uru rukingo ingana na miliyoni 40, ikazakoreshwa mu gukingira abantu miliyoni 20 haherewe ku bafite ibyago byinshi byo kwandura Covid-19.

Ku ikubitiro u Bwongereza buzahabwa ingano y’uru rukingo ingana na miliyoni 10, miliyoni 30 zizaba zisigaye buzazihabwe nyuma yo kurugeza no mu bindi bihugu.

U Bwongereza bugiye gutangiza ibikorwa byo gukingira Covid-19 mu buryo bwa rusange

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .