Aba bantu bakurikiranweho ibyaha byo gufasha aba-mafia gucuruza ibiyobyabwenge, kunyereza umusoro, kujyana ibyibwe, gukoresha amafaranga mu buryo butemewe, kunyereza umutungo, no gutera abantu ubwoba.

Uyu mubikira w’imyaka 57 witwa Anna Donelli, yari asanzwe azwi mu bikorwa by’ubukorerabushake muri geraza zitandukanye mu mujyi wa Brescia mu majyaruguru ya Lombardy, mu Butaliyani.

Polisi ivuga ko Donelli yakoraga nk’umuhuza hagati y’abayobozi b’utwo dutsiko tw’abagizi ba nabi bafunze na bagenzi babo basigaye hanze batarafungwa.

Ikigo cy’ababikira bo mu muryango w’abagiraneza (Sisters of Charity institute) yabagamo, ntikiragira icyo gitangaza kuri aya makuru y’ifungwa ry’umubikira wabo.

Uyu mubikira yafatiwe mu mujyi wa Brescia mu majyaruguru ya Lombardy, mu Butaliyani