U Bushinwa bwiyemeje gupima umujyi wose nyuma y’uko umuntu umwe asanzwemo COVID-19

Yanditswe na IGIHE
Kuya 26 Ukwakira 2020 saa 12:15
Yasuwe :
0 0

Leta y’u Bushinwa yatangiye gupima Coronavirus abantu bose batuye Umujyi wa Kashgar, nyuma y’uko iyi ndwara yongeye kuvugwa mu Ntara ya Xinjiang.

Abantu basaga miliyoni 4.7 batuye umujyi wa Kashgar bari gufatwa ibipimo, ubu hamaze kuboneka abagera ku 138 bayanduye nubwo badafite ibimenyetso. Ni wo mubare munini w’ubwandu ubonetse mu munsi umwe, mu gihe kigera hafi ku mezi arindwi ashize.

U Bushinwa ni igihugu cyabashije guhangana n’icyorezo cya COVID-19, kandi gikomeje gukoresha imbaraga nyinshi mu kugihashya aho kigaragauye mu gihugu.

Amashuri mu Mujyi wa Kashgar utuwe cyane n’abayoboke b’Idini ya Islam, yabaye afunzwe. Abaturage baho kandi ntibemerewe kuva muri uyu mujyi, kereka abafite ibyemezo bigaragaza ko batanduye.

Umuntu umwe watumye batangira gupima umujyi wose ni umugore udafite ibimenyetso ukora mu ruganda ruri mu nkengero z’umujyi. Ibinyamakuru byatangaje ko yasanzwemo Coronavirus mu "gupima bisanzwe".

Gupima umujyi wose byahise bitangira ku wa Gatandatu, kugeza ku Cyumweru nimugoroba abarenga miliyoni 2.8 bari bamaze gupimwa mu mujyi wa Kashgar, ndetse abasigaye bazapimwa mu minsi ibiri.

Mu ntangiriro z’uku kwezi, Umujyi wose wa Qingdao, abawutuye bagera kuri miliyoni icyenda nabo bapimwe Covid-19 mu minsi mike cyane. Ni mu gihe muri Gicurasi u Bushinwa bwapimye Covid-19 abaturage miliyoni 11 b’umujyi wa Wuhan, aho iyi ndwara yabonetse bwa mbere.

Kugeza ubu abamaze kwandura COVID-19 mu Bushinwa ni 85810, mu gihe abapfuye ari 4634. Ku rwego rw’Isi abamaze kwandura COVID-19 ni miliyoni 43,3 mu gihe abapfuye ari miliyoni 1,1.

U Bushinwa bwubatse ubushobozi bukomeye mu gupima COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .