U Bushinwa bwashinje umudipolomate wa Canada ubutasi

Yanditswe na Bukuru JC
Kuya 19 Kamena 2020 saa 11:39
Yasuwe :
0 0

Ubushinjacyaha bw’u Bushinwa kuri uyu wa Gatanu bwashinje ubutasi abanya-Canada babiri barimo umwe wahoze ari umudipolomate.

Ubushinjacyaha bwavuze ko Michael Kovrig wahoze ari umudipolomate n’umucuruzi, Michael Spavor, batawe muri yombi mu mezi 18 ashize, bakekwaho gutata ikindi gihugu no gutanga amabanga ya leta.

Aba bombi bafashwe mu 2018, nyuma gato y’uko Canada ifashe Meng Wanzhou wari umuyobozi ushinzwe imari muri Huawei, akaba n’umuyobozi wayo wungirije bisabwe na Amerika. Gusa u Bushinwa buhakana ko guta muri yombi bariya banya-Canada, hari aho bihuriye n’ikibazo cya Meng.

U Bushinwa kandi bwahagaritse ibikomoka ku buhinzi bituruka muri Canada.

Minisitiri w’Ububanyi n’amahanga wa Canada, Francois-Philippe Champagne, yavuze ko igihugu cye kizakomeza gukorana n’u Bushinwa kugira ngo Kovrig na Spavor, barekurwe.

Hari kandi no gusaba ko umunya-Canada, witwa Robert Schellenberg, ababarirwa ku gihano cyo kwicwa yakatiwe kubera ibyaha byo gucuruza ibiyobyabwenge.

Abanya-Canada babiri barashinjwa n'u Bushinwa gukora ubutasi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .