00:00:00 IGIHE NETWORK KN KINYARWANDA EN ENGLISH FR FRANCAIS

U Bushinwa bwakomoreye ababwinjiramo nyuma y’ingamba zikakaye za COVID-19

Yanditswe na Mukahirwa Diane
Kuya 26 Ukuboza 2022 saa 09:49
Yasuwe :

Inzego z’Ubuzima mu Bushinwa zatangaje ko guhera ku wa 8 Mutarama 2023, abagenzi binjira muri iki gihugu batazongera kunyuzwa mu kato nk’uko byari bimaze imyaka itatu bikorwa mu kwirinda ikwirakwira rya COVID-19.

Kuva muri Werurwe 2020 ubwo icyorezo cya Covid-19 cyari cyugarije Isi, u Bushinwa bwafashe icyemezo ko ababwinjiramo bagomba kubanza kunyuzwa mu kato k’ibyumweru bitatu.

Uko iminsi yashize Covid-19 yacishije make ibihugu bigenda byoroshya ingamba zo guhangana n’iki cyorezo gusa u Bushinwa ntibwigeze budohora burundu, kuko kwinjiramo byasabaga umugenzi kunyura mu kato k’iminsi itanu.

Inzego z’ubuzima zatangaje ko aya mabwiriza agiye guhagarikwa, abinjira bakajya basabwa kwerekana igipimo cy’uko batarwaye Covid-19 cyo mu bwoko bwa PCR.

Abaturage bari bamaze igihe basaba ko aya mabwiriza yakoroshywa kuko yatumaga ubukungu bw’igihugu buhungabana.

U Bushinwa bwahagaritse gutangaza uko Covid-19 ihagaze gusa amakuru avuga ko ibihumbi by’abantu bagihitanwa na yo.

Inzego z’Ubuzima mu Bushinwa zatangaje ko guhera ku wa 8 Mutarama 2023, abagenzi binjira muri iki gihugu batazongera kunyuzwa mu kato nk’uko byari bimaze imyaka itatu bikorwa mu kwirinda COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .