00:00:00 IGIHE NETWORK KN KINYARWANDA EN ENGLISH FR FRANCAIS

U Bushinwa bwahagaritse gutangaza imibare y’abanduye n’abishwe na Covid-19

Yanditswe na IGIHE
Kuya 25 Ukuboza 2022 saa 02:57
Yasuwe :

Komisiyo ishinzwe ubuzima mu Bushinwa (NHC), yatangaje ko iki gihugu kitazongera gutangaza imibare ya buri munsi y’abanduye n’abishwe na Covid-19.

Iyi komisiyo yabitangaje kuri iki cyumweru ariko ntiyigeze itanga ibisobanuro kuri iki cyemezo gihindura ibyakorwaga kuva mu 2020. Icyakora, amakuru yerekeye Covid-19 azajya atangazwa ku mpamvu zirimo iz’ubushakashatsi.

Mu ntangiriro z’uku kwezi u Bushinwa bworoheje ingamba zo kwirinda Covid-19 bituma imibare y’abandura yiyongera. Kuva icyo gihe abantu batandatu nibo imaze kwica. Hashize iminsi ine ikurikirana ntawe yishe.

Ku rundi ruhande ariko ikigo cyo mu Bwongereza cyitwa Airfinity, cyatangaje ko u Bushinwa bufite abantu barenga ibihumbi 500 bandura n’abandi 5000 bapfa ku munsi.

Bivugwa kandi ko icya kabiri cy’abaturage bo mu Majyepfo y’u Bushinwa mu Ntara ya Sichuan n’abo mu Murwa Mukuru, Beijing, bashobora kuba baranduye Covid-19 guhera mu ntangiriro z’uku kwezi.

U Bushinwa bwahagaritse gutangaza imibare y’abanduye n’abishwe na Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .