00:00:00 IGIHE NETWORK KN KINYARWANDA EN ENGLISH FR FRANCAIS

U Bushinwa bwaburiwe ko bwakuyeho ingamba zo kwirinda Covid-19 hakiri kare

Yanditswe na IGIHE
Kuya 20 Ukuboza 2022 saa 11:39
Yasuwe :

Ubushakashatsi bwerekanye ko u Bushinwa bushobora gupfusha abagera kuri miliyoni imwe kubera guhagarika ingamba zo gukumira ubwandu bwa Covid-19 none bukaba bukomeje kwiyongera kuva mu mijyi minini kugeza mu bice byinshi by’icyaro.

Mu gihe kigera ku myaka itatu, u Bushinwa bwashyizeho ingamba zikakaye zirimo Guma mu Rugo, akato, gupima abantu benshi no kugenzura ko abantu begerana hagamijwe gukumira ikwirakwira ry’ubwandu bwa Covid-19.

Izo ngamba zose zahagaritswe mu ntangiriro z’uku kwezi nyuma y’imyigaragambyo yadutse mu gihugu hose y’abamagana ko zatumye ubucuruzi n’ubuzima muri rusange bihagarara.

Inzobere zatanze umuburo zivuga ko hakiri kare kuba igihugu cyakuraho izo ngamba kubera ko kititeguye neza. Babishingira ku kuba cyarananiwe gukingira abageze mu zabukuru, kongera ubushobozi bw’ibitaro ahakirirwa indembe ndetse n’imiti irwanya virusi ikaba igenda iba iyanga.

Hamwe n’uko ibintu bimeze ubu, kongera gufungura ibikorwa byose mu gihugu bishobora gutera impfu z’abagera kuri 684 kuri miliyoni nk’uko ibigereranyo by’abarimu bo muri Kaminuza ya Hong Kong bibigaragaza.

Muri miliyari 1,4 z’abatuye u Bushinwa bishobora kuzarangira hapfuyemo abagera ku 964.400.

Ubwiyongere bw’abandura bushobora kurenga ubushobozi bw’inzego z’ubuvuzi hirya no hino mu gihugu nk’uko ubwo bushakashatsi bubivuga.

Inkuru dukesha CNN ivuga ko gukuraho ingamba zose zo kwirinda mu ntara zose bizatuma ubushobozi bw’ibitaro burenga ubusanzwe inshuro ziri hagati ya 1,5 na 2,5 ugereranyije n’ubwo bisanganywe.

Ariko ngo ibi bishobora kwirindwa mu gihe u Bushinwa bwakongera inkingo zishimangira bugakemura n’ikibazo cy’ubuke bw’imiti irwanya visusi.

Hamwe no gutanga inkingo zishimangira zikaba zahabwa abagera kuri 85% ndetse n’imiti igabanya ubukana bwa virusi ikagera kui 60% byagabanya impfu ku kigero kiri hagati ya 26% na 35% nk’uko ubwo bushakashatsi bukomeza bubivuga.

Kuri uyu wa Mbere inzego z’ubuvuzi zatangaje ko hapfuye abantu babiri bishwe na Covid-19 mu mujyi wa Beijing.

Inzobere z’Abashinwa zivuga ko ibihe bibi bitaraza kuko ibyo iki gihugu cyahuye na byo bizakurikirwa n’ibindi bihe bitatu bikakaye bw’ubwiyongere bw’ubwandu.

Mu barenga ibihumbi 10 banduye Covid-19 mu Bushinwa kuva yadutse, abasaga ibihumbi 30 bamaze guhitanwa na yo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .