U Bushinwa: Abasirikare b’abaganga 1400 bagiye koherezwa guhashya Coronavirus

Yanditswe na Iradukunda Serge
Kuya 2 Gashyantare 2020 saa 12:05
Yasuwe :
0 0

Perezida w’u Bushinwa akaba n’umugaba w’ikirenga w’ingabo z’iki gihugu Xi Jinping yemeje ko hagiye koherezwa ikipe y’abaganga b’abasirikare 1400 mu bitaro bishya bya Huoshenshan biherereye mu Ntara ya Wuhan bazafasha mu kuvura abarwayi bafashwe n’icyorezo cya coronavirus gikomeje guhitana umubare munini w’abantu.

Iyi ikipe y’abaganga b’abasirikare biteganyijwe ko izagera kuri ibi bitaro ku wa 5 Gashyantare ikazaba igizwe ahanini, n’abaganga b’abasirikare bafashije mu kurwanya icyorezo cya Ebola muri Afurika n’icya SARS cyibasiye u Bushinwa hagati ya 2002 na 2003.

Kuwa 28 Mutarama ubwo Perezida Xi Jinping yasurwaga n’umuyobozi w’ishami ry’umuryango w’Abibumbye rishinzwe kwita ku buzima, Tedros Adhanom Ghebreyesus yatangaje ko nk’u Bushinwa bafite icyizere cyo kurwanya iki cyorezo bakagitsinda.

Yagize ati “Abaturage b’u Bushinwa bari kurwana urugamba rukomeye cyane rwo kurwanya iki cyorezo. Iki cyorezo ni kibi cyane, ntabwo tuzakireka ngo kihishe”.

Kugeza ubu iki cyorezo kimaze guhitana abarenga 300 mu Bushinwa mu gihe abarenga ibihumbi 14 bamaze kucyandura ku Isi hose

Ibitaro bya Huoshenshan bizoherezwamo aba basirikare byatangiye kubakwa kuwa 25 Mutarama uyu mwaka, bikaba biteganyijwe ko bizuzura ndetse bigatangira gukoreshwa guhera kuwa 3 Gashyantare. Bifite ubushobozi bwo kwakira abarwayi ba Coronavirus barenga 1600.

Kuri ubu hari kubakwa ibindi bitaro byitwa Leishenshan nabyo bizifashishwa mu kurwanya novel coronavirus.

Perezida Xi Jinping yavuze ko agiye kohereza abasirikare n'abaganga 1400 mu guhashya coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .