U Burusiya: Umuyobozi w’abatavuga rumwe n’ubutegetsi bwa Perezida Putin yarozwe

Yanditswe na Dufitumukiza Salathiel
Kuya 20 Kanama 2020 saa 12:16
Yasuwe :
0 0

Uhagarariye abatavuga rumwe n’ubutegetsi bwa Perezida Vladimir Putin baharanira kurwanya ruswa mu Burusiya,Alexei Navalny yajyanywe mu bitaro igitaraganya nyuma yo kumererwa nabi n’uburozi abamuri hafi bavuga ko yaherewe mu cyayi.

Umuvugizi wa Navalny, Kira Yarmysh yavuze ko uyu mugabo yatangiye kumva atamerewe neza ubwo bari mu ndege iva Tomsk ijya mu murwa mukuru w’iki gihugu,Moscow, ibintu byatumye iyi ndege ihita ihagarara igitaraganya kugira ngo ajyanwe kwa muganga.

Abinyujije kuri Twitter Yarmysh yagize ati “ubwo yari mu ndege, yafashwe n’uburwayi. Indege yahise ihagarara byihuse muri Omsk, Alexei yarozwe,.., turacyeka ko yarogewe mu kintu cyavanzwe mu cyayi cye, nicyo kintu cyonyine yanyoye kuva mu gitondo”.

Yarmsysh yakomeje avuga ko abaganga bemeje ko Alexei Navalny abaganga bari gukora ibishoboka byose ngo baramire ubuzima bw’uyu mugabo kuri ubu usa n’uwataye ubwenge.

Alexei Navalny w’imyaka 44 y’amavuko, ahagarariye abatavugarumwe n’ishyaka United Russia rya Perezida Vladimir Putin.

Ni umugabo ukunze kumvikana yita inzego nkuru za leta zirimo n’ishyaka rya Perezida avuga ko ari “Ishyaka ry’ibisambo n’inkundamugayo”; ibintu byanatumye ajyanwa muri gereza kenshi.

Ahagana muri 2011, Navalny yafunzwe iminsi 15 nyuma azira imyigaragambyo yakurikiye amatora y’abagize inteko ishinga amategeka;aho imyanya myinshi yegukanywe n’ishyaka rya Putin.

Muri Nyanga 2013 nabwo yarafunzwe, ashinjwa uburiganya ariko igihano nticyatangazwa ku mpamvu za politiki; biza kumubuza n’amahirwe yo kwiyamamariza kuyobora iki gihugu mu 2018.

Muri Nyakanga umwaka ushize na bwo uyu mugabo yafunzwe iminsi 30 nyuma yo gutegura imyigaragambyo mu buryo butemewe.

Iyi si inshuro ya mbere inzego z’ubuzima zemeza ko Alexei Navalny yahawe uburozi; kuko muri 2017 na 2019 nabwo yagiye arwara yagezwa ku bitaro ibizamini bikemeza ko yahawe uburozi.

Alexei Navalny utavuga rumwe n'ubutegetsi bwa Vladimir Putin yahawe icyayi kiroze

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .