00:00:00 IGIHE NETWORK KN KINYARWANDA EN ENGLISH FR FRANCAIS

U Burusiya mu mugambi wo gutera Amerika muzunga; Ingabo zabwo zigiye kwinjira muri Nicaragua

Yanditswe na Umwali Zhuri
Kuya 14 June 2022 saa 07:31
Yasuwe :

Perezida wa Nicaragua, Daniel Ortega, yatanze uburenganzira ku Ngabo z’u Burusiya ko zishobora kohereza ubwato n’indege mu gihugu cye ku mpamvu z’imyitozo, iyubahirizwa ry’amategeko n’ubutabazi bwihuse mu gihe bibaye ngombwa.

Iteka ryagiye hanze rivuga ko Ortega yemereye Ingabo z’u Burusiya kwinjira mu gihugu cye, zikaba zagira uruhare mu bikorwa bigamije iyubahirizwa ry’amategeko n’ubutabazi mu gihe habaye ibiza.

Yavuze kandi ko izo ngabo zizagira n’uruhare mu gusangiza ubunararibonye iz’igihugu cye.

Umuvugizi wa Minisiteri y’Ububanyi n’Amahanga mu Burusiya, Maria Zakharova, yavuze ko iyo mikoranire igamije gushimangira ubufatanye mu ngeri zitandukanye.

Ni itegeko yavuze ko riha uburenganzira n’ibindi bihugu birimo Leta Zunze Ubumwe za Amerika na Mexique kuba byajya muri Nicaragua.

Ingabo z’u Burusiya zizaba zemerewe gukorera uburinzi inkengero za Nicaragua, igihugu cyo muri Amerika y’Amajyepfo.

Ku rundi ruhande, ibyo Nicaragua yakoze bishobora kutagwa neza Amerika, cyane ko ibihugu by’inshuti na Amerika byahise bibyamaganira kure.

Perezida wa Costa Rica, Rodrigo Chaves, yavuze ko abangamiwe cyane n’umuturanyi we wemeye gutumira Abarusiya muri aka gace, bakagenda bitwaje n’intwaro zabo.

Ati “Nta gisirikare dufite muri Costa Rica kuva mu 1949, rero ibaze uko tumerewe. Impungenge zacu zifite ishingiro.”

Ortega ashinjwa gushaka guhungabanya umutekano wa Amerika yo Hagati ari nayo mpamvu ibihugu by’ibituranyi byatangiye gutabaza Leta Zunze Ubumwe za Amerika.

Perezida Ortega ni umugabo utavugwaho rumwe muri Amerika yo hagati kubera umubano we n'u Burusiya
Nicaragua iherereye muri Amerika y'Amajyepfo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .