U Burusiya: Abaganga bemeje ko Navalny utavuga rumwe na Putin atarozwe

Yanditswe na Bukuru JC
Kuya 21 Kanama 2020 saa 01:45
Yasuwe :
0 0

Abaganga bo mu Burusiya barimo kuvura Alexei Navalny, utavuga rumwe n’ubutegetsi bwa Vladimir Putin, bemeje ko uyu mugabo atarozwe nk’uko byavugwaga n’abamuri hafi.

Uyu mugabo ari muri koma mu bitaro bya Siberian kuva ejo kuwa Kane, aho bikekwa ko yarozwe. Gusa abaganga bavuze ko arimo kuvurwa indwara iterwa no kugira isukari nke mu maraso.

Hagati aho u Bufaransa n’u Budage bikomeje kugaragaza ubushake bwo guha ubuhungiro Navalny, aho Angela Merkel w’u Budage yavuze ko biteguye kuba bamuvura ndetse hoherejwe indege mu Burusiya ngo imujyane mu Budage.

Umuvugizi wa Alexei Navalny yatangaje ko ubuzima bw’uyu mugabo buri mu kaga kuko abaganga banze kumukura mu bitaro bya Siberian aho arimo kuvurirwa. Ibi bitaro biri mu mujyi wa Omsk byatangaje ko Navalny, atameze neza ku buryo hari aho yajyanwa.

Merkel yavuze kandi ko abayobozi b’u Burayi bakwiye gusaba ibisobanuro u Burusiya. Navalny w’imyaka 44 ni umwe mu banenga bikomeye ubutegetsi bwa Vladimir Putin.

Abamuri hafi bavuga ko yarogewe mu cyayi ku kibuga cy’indege ubwo yari agiye kwerekeza i Moscow, bikaba ngombwa ko indege ihagarara mu nzira igeze i Omsk kugira ngo yitabweho.

Alexei Navalny ari muri koma kuva kuri uyu wa Kane aho byakekwaga ko yarozwe ariko abaganga bakaba bemeza ko atarozwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .