00:00:00 IGIHE NETWORK KN KINYARWANDA EN ENGLISH FR FRANCAIS

U Burayi bugiye gutanga urukingo rwa kabiri rwo gushimangira ku barengeje imyaka 60

Yanditswe na IGIHE
Kuya 12 July 2022 saa 08:35
Yasuwe :

Umuryango w’Ubumwe bw’u Burayi (EU) wasabye ko abantu bose barengeje imyaka 60 mu bihugu 27 biwugize bahabwa urukingo rwa kabiri rwo gushimangira rwa Covid-19, nyuma y’uko ubwandu bwongeye kuzamuka n’abajyanwa mu bitaro bakaba benshi.

Komiseri ushinzwe Ubuzima muri EU, Stella Kyriakides, yavuze ko ‘ari ingenzi ko buri muntu urengeje imyaka 60 ndetse n’abandi bafite ubudahangarwa buke ku cyorezo, bahabwa urukingo rwa kabiri rwo gushimangira vuba’.

Ati “Ndahamagarira ibihugu binyamuryango byose gutanga urukingo rwa kabiri rwo gushimangira kuri buri wese urengeje imyaka 60 ndetse n’abafite ibyago byo kwandura no guhitanwa n’icyorezo’.

Ibi bikurikiye ko kuva muri Mata abafite imyaka 80 kuzamura bahawe urukingo rwa kabiri rwo gushimangira.

Andrea Ammon wo mu Kigo gishinzwe kurwanya Indwara muri EU, yavuze ko muri iyi minsi hari ubwiyongere bw’Icyorezo cya Covid-19, kandi abaremba bagashyirwa mu bitaro na bo bakaba biyongera cyane.

Kugeza ubu hakomeje inkundura yo gukora inkingo zitandukanye ariko abazahabwa urukingo rwa kabiri rushimangira bazakomeza guhabwa izisanzwe.

Abafite imyaka 60 kuzamura i Burayi bagiye guhabwa urukingo rwa kabiri rwo gushimangira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .