Ni ikoranabuhanga u Buhinde bushaka kugura ngo bwubake ubwirinzi bwabwo bwo gutahura no kuburizamo ibisasu bishobora kuburaswaho bivuye kure.

Iryo koranabuhanga rikorwa n’ikigo cyo mu Burusiya, Almaz-Antey Corporation cyizwiho gukora intwaro n’ibindi bikoresho by’ubwirinzi bwo mu kirere.

Ikoranabuhanga u Buhinde bugiye kugura, rifite ubushobozi bwo gutahura ibisasu bifite ubushobozi bwo kuraswa mu bilometero 8000.

Mu kwezi gushize itsinda ry’abakozi b’ikigo Almaz-Antey Corporation ryasuye u Buhinde baganira kuri uwo mushinga, nk’uko Russia Today yabitangaje. Nubwo ikoranabuhanga rizakorerwa mu Burusiya, hari igice kinini cyaryo kizakorwa n’abafatanyabikorwa bo mu Buhinde.

Biteganyijwe ko izo radari zizashyirwa mu gace ka Karnataka kari mu Majyepfo ashyira Uburengerazuba bw’u Buhinde.

Ikoranabuhanga ryo mu bwoko bwa Voronezh niryo u Buhinde bugiye kugura mu Burusiya