U Bufaransa: Cathédrale Saint-Pierre-et-Saint-Paul yafashwe n’inkongi

Yanditswe na IGIHE
Kuya 18 Nyakanga 2020 saa 10:43
Yasuwe :
0 0

Cathédrale Saint-Pierre-et-Saint-Paul iherereye muri Nantes mu Bufaransa, yafashwe n’inkongi mu gitondo cyo kuri uyu wa Gatandatu tariki 18 Nyakanga 2020.

Abazimya umuriro barenga 60 nibo batabaye saa 7h44 bazimya inkongi yafashe Cathédrale Saint-Pierre-et-Saint-Paul, kugeza ubu hataramenyekana icyabiteye.

Amafoto yagaragaye yerekanye umwotsi n’umuriro upfupfunuka mu nyubako ya katederali. Abantu basabwe kwirinda kwegera iyi nyubako.

Ntabwo ari ubwa mbere iyi katederali iri mu mutima wa Nantes ifashwe n’inkongi. Kuwa 28 Mutarama 1972, nabwo iyi katederali yubatswe hagati y’ikinyejana cya 15 n’icya 19, yafashwe n’inkongi.

Perezida w’u Bufaransa, Emmanuel Macron, yanditse kuri Twitter ko ‘nyuma ya Cathédrale Notre-Dame, cathédrale Saint-Pierre-et-Saint-Paul, iri mu mutima wa Nantes, yafashwe n’inkongi’. Yashimiye abazimya inkongi bahise batabara bakazimya uwo muriro.

Cathédrale Saint-Pierre-et-Saint-Paul yafashwe n’inkongi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .