00:00:00 IGIHE NETWORK KN KINYARWANDA EN ENGLISH FR FRANCAIS

U Bufaransa bwinjiye mu nkundura ya kane ya Covid-19

Yanditswe na Akayezu Jean de Dieu
Kuya 21 Nyakanga 2021 saa 04:06
Yasuwe :
0 0

Guverinoma y’u Bufaransa yatangaje ko iki gihugu cyamaze kwinjira mu nkundura ya kane y’icyorezo cya Covid-19, ndetse kuri ubu abantu bafite icyemezo cy’uko bakingiwe aribo bagiye kujya bemererwa kwitabira byinshi mu bikorwa bihuriramo abantu benshi birimo imikino n’imyidagaduro.

Umuvugizi wa Guverinoma, Gabriel Attal, yavuze ko iki gihugu cyamaze kwinjira mu nkundura ya kane yo guhangana na Covid-19.

RFI yatangaje ko Gabriel yabivuze nyuma y’Inama y’Abaminisitiri yemerejwemo umushinga wo kongera iminsi yashyizweho kugira ngo abitabira ibikorwa bitandukanye bazajye baba ari abafite urupapuro rw’inzira rwihariye ku bantu bakingiwe icyorezo cya Covid-19.

U Bufaransa muri iki gihe imibare y’abandura n’abahitanwa na Covid-19, yongeye gutumbagira aho bifitanye isano na Covid-19 yihinduranya izwi nka Delta. Gabriel ati “Turi kwitegereza umuvuduko w’iki cyorezo urenze uwo cyariho mbere. Gishobora kuzamuka vuba cyane.”

Minisitiri w’Ubuzima, Olivier Veran, aherutse kuvuga ko abantu icyenda mu icumi [9/10] bari kwandura iki cyorezo ari abatarakingiwe.

Imibare itangazwa n’iki gihugu ivuga ko nibura abantu miliyoni 37.5 aribo bamaze guhabwa doze ya mbere y’urukingo bangana na 45,2% by’abaturage bose.

Abantu bakingiwe Covid-19 nibo bagiye kujya bemererwa kwitabira ibikorwa bihuriramo abantu benshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .