U Budage: Ibikorwa bimwe byafunzwe abaturage basubira muri Guma mu Rugo

Yanditswe na Rosine Ingabire
Kuya 13 Ukuboza 2020 saa 02:35
Yasuwe :
0 0

Chancelière w’u Budage Angela Merkel, kuri iki Cyumweru yatangaje ko ibikorwa bitari iby’ingenzi hamwe n’amashuri bizafunga imiryango guhera tariki 16 Ukuboza kugeza tariki 10 Mutarama 2021.

Ni mu rwego rwo gukaza ingamba zigamije kwirinda icyorezo cya Coronavirus cyakajije umurego muri iyi minsi.

Merkel yabwiye abanyamakuru ko yakifuje ko amabwiriza yoroshywa muri ibi bihe by’iminsi mikuru ariko ko bidashoboka bakurikije ubukana icyorezo gifite.

Amaduka menshi agiye gufunga imiryango, hakazasigara ay’ingenzi. Inzu zitunganya imisatsi n’iz’ubwiza, nabyo bizafungwa.

Guverinoma yiyemeje gutanga miliyari 13.3 z’amadolari azafashishwa ubucuruzi buzagirwaho ingaruka no gufunga imiryango.

Abakoresha basabwe gutegeka abakozi babo gukorera mu rugo aho bishoboka. Nta mihango yo guturitsa ibishashi by’umuriro yemewe mu gusoza umwaka.

Hari hashize ibyumweru bitandatu u Budage buri muri Guma mu rugo igice, kuko utubari na za restaurants byari bifunze. Amaduka n’amashuri nibyo byari bisigaye bifunguye.

Merkel yavuze ko nta cyizere ko tariki 10 Mutarama ibikorwa bizongera gufungurwa kuko bizaterwa n’uko icyorezo kizaba gihagaze.

Abantu 1,320,716 nibo bamaze kwandura Coronavirus mu Budage mu gihe abapfuye ari 21,787.

Ibikorwa bimwe byafunzwe abaturage byasubira muri Guma mu Rugo (Photo: Getty Image)

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .