U Budage bwatanze miliyoni $812 zo gukora urukingo rwa Coronavirus

Yanditswe na Bukuru JC
Kuya 12 Gicurasi 2020 saa 06:06
Yasuwe :
0 0

Guverinoma y’u Budage yemeye gutanga miliyoni 750 z’ama-euro, ni ukuvuga miliyoni 812 z’amadolari yo gutera inkunga gahunda yo gukora no gukwirakwiza urukingo rwa Coronavirus.

Ibi byatangajwe na Minisitiri Ushinzwe ubushakashatsi, Anja Karliczek, kuri uyu wa Mbere.

Miliyoni zigera kuri 500 z’ama-euro zizakoreshwa mu kugerageza urukingo mu Budage, andi asigaye akoreshwe mu gukora urukingo.

Minisitiri Karliczek yagize ati “Igihe cyose urukingo rwaba rubonetse kandi rwemejwe, kurukora bigomba guhita bitangira vuba vuba yaba mu Budage no ku Isi yose”.

Intego ya mbere y’iyi gahunda ni ugutuma igerageza ry’urukingo rikorerwa ku bantu benshi, aho abakozi bo mu rwego rw’ubuzima cyangwa abandi bakozi b’ingenzi bazaba bashobora kugeragerezwaho urukingo ku bushake bwabo.

U Budage ni kimwe mu bihugu byateye inkunga gahunda yo gukora urukingo rwa Coronavirus. Kugeza ubu inkingo 121 hirya no hino ku Isi zirimo gukorwa ariko nta na rumwe ruragera ku ntego yo gukingira Coronavirus.

Ibihugu bitandukanye bikomeje gushyira ingufu mu gushaka urukingo rwa Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .