U Budage: Amashuri n’ibikorwa by’ubucuruzi bigiye kongera gufunga

Yanditswe na Bukuru JC
Kuya 14 Ukuboza 2020 saa 09:30
Yasuwe :
0 0

Inzego z’Ubuyobozi mu Budage zatangaje ko mu minsi iri imbere iki gihugu kigiye gusubira mu bihe bya Guma mu Rugo aho amashuri n’ibikorwa by’ubucuruzi bizongera gufungwa.

Chancelière w’u Budage, Angela Merkel, mu kiganiro yahaye itangazamakuru kuri iki Cyumweru yavuze ko izi ngamba nshya za Guma mu Rugo zizatangira ku wa 16 Ukuboza.

Angela Merkel yavuze ko iki cyemezo cyaturutse ku mubare w’abandura Covid-19 n’abo ihitana ukomeje kwiyongera.

Yagize ati "Kubera ukwiyongera kudasanzwe, dutegetswe kugira icyo dukora, kandi turi kugikora natwe.”

Uyu muyobozi yavuze ko bafashe uyu mwanzuro nyuma yo kubona ko Guma mu Rugo yoroheje yari yashyizweho mu Ugushyingo nta musaruro yatanze.

Mu bikorwa bizafunga muri iyi Guma mu Rugo harimo ibikorwa by’ubucuruzi bitari iby’ibanze cyane ndetse n’amashuri. Ni umwanzuro wafashwe nyuma y’ibiganiro byahuje ba guverineri b’intara 16 zigize iki gihugu.

Ni ubwa kabiri ubuyobozi bw’u Budage bufashe icyemezo cyo gufunga amashuri nyuma y’icyari cyafashwe muri Werurwe ubwo hashyirwagaho gahunda ya Guma mu Rugo ya rusange.

Kugeza ubu abamaze kwandura Covid-19 mu Budage barenga miliyoni imwe, mu gihe abo imaze guhitana nabo bari hejuru y’ibihumbi 22.

Chancelière w’u Budage, Angela Merkel yavuze ko iki cyemezo kigamije gukumira ubwiyongere bw'abandura Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .