00:00:00 IGIHE NETWORK KN KINYARWANDA EN ENGLISH FR FRANCAIS

Turikiya yohereje muri Arabie Saoudite urubanza rw’abakekwaho kwica Jamal Khashoggi

Yanditswe na Umwali Zhuri
Kuya 7 April 2022 saa 04:27
Yasuwe :

Urukiko rwo muri Turikiya rwasubitse urubanza rw’Abanya-Arabie Saoudite 26 bakekwaho kwica umunyamakuru Jamal Khashoggi, rufata icyemezo cyo kurwohereza mu Rukiko rwo muri Arabie Saoudite.

Ni urubanza rwaburanishwaga abaregwa badahari. Khashoggi w’imyaka 59 yiciwe muri Ambasade ya Arabie Saoudite ku wa 2 Ukwakira 2018. Mu cyumweru gishize Ubushinjacyaha bwasabye ko urubanza rwakwimurirwa muri Arabie Saoudite ndetse byamaze kwemezwa.

Icyemezo cyo kohereza urubanza muri Arabie Saoudite cyakunze kunengwa n’abaharanira uburenganzira bwa muntu bavuga ko kigamije kuburizamo urupfu rwa Khashoggi no gukingira ikibaba Igikomangoma Mohammed bin Salman, gikekwa.

Uwari umukunzi wa Khashoggi, Hatice Cengiz, yavuze ko azajuririra iki cyemezo.

Ati "Turikiya ntabwo iyoborwa n’umuryango nka Arabie Saoudite. Dufite ubutabera bushobora kumva agahinda k’abaturage".

Abasesenguzi basanga kohereza urubanza rw’abakekwaho kwica Khashoggi bishobora gufatwa nk’umurongo wo kugerageza kuzahura umubano wa Turikiya na Arabie Saoudite. Ibi kandi ngo biraca amarenga y’uko uyu munyamakuru ashobora kutazabona ubutabera.

Jamal Khashoggi yishwe muri 2018

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .