00:00:00 IGIHE NETWORK KN KINYARWANDA EN ENGLISH FR FRANCAIS

Turikiya yiyemeje gukomeza guhuza u Burusiya na Ukraine

Yanditswe na IGIHE
Kuya 24 April 2022 saa 06:23
Yasuwe :

Perezida wa Turikiya Recep Tayyip Erdoğan Turkey yiyemeje gukora ibishoboka byose mu guhuza ibiganiro by’u Burusiya na Ukraine, bigamije gushaka uburyo bwo guhagarika intambara ikomeje gushyamiranya ibihugu byombi.

Perezida Erdoğan yabitangaje mu kiganiro yagiranye kuri telefoni na Perezida wa Ukraine Volodymyr Zelenskyy.

Ni ikiganiro cyabaye mbere y’umunsi umwe ngo agirane ibiganiro na Perezida Vladimir Putin w’u Burusiya.

Erdoğan muri ibyo biganiro, yashimangiye ko ari ngombwa gushyiraho uburyo abasivili bakomerekeye mu mujyi wa Mariupol bahabwa ubutabazi, ndetse ko Turikiya yibona nk’igihugu gishobora gutanga umutekano kuri Ukraine.

Perezida Zelensky na we yanditse kuri Twitter ko yagiranye ikiganiro na Erdoğan, ashimangira "ubwihutirwe bwo gutabara abasivili muri Mariupol, harimo n’abari mu ruganda rwa Azovstal, ndetse n’igurana ry’abasirikare bafashwe."

Yakomeje ati "Twaganiriye ku bijyanye n’imishyikirano n’ubufatanye bwa Ukraine n’ibindi bihugu mu bijyanye no kwizeza umutekano igihugu cyacu. Nanazamuye ibibazo by’ukwirwanaho kwa Ukraine ndetse n’ikibazo mpuzamahanga cy’ibiribwa, gihangayikishije isi bitewe n’ibangamirwa ry’ingendo mu nyanja y’umukara."

Mu gihe izo nama zikomeje, biteganyijwe ko Umunyamabanga mukuru w’Umuryango w’abibumbye, Antonio Guterres, azagirira urugendo i Moscow n’i Kyiv mu gushaka uburyo bwo guhagarika iyi ntambara imaze amezi abiri.

Yatangiye ku wa 24 Gashyantare 2024, ubu imaze kuvana mu byabo abarenga miliyoni eshanu.

Bitganywa ko Guterres azahura na Perezida Vladimir Putin i Moscow ku wa Kabiri, ndetse azagirana ibiganiro na Minisitiri w’Ububanyi n’amahanga, Sergey Lavrov.

Guterres kandi azajya i Kyiv ku wa Kane, aho azagirana ibiganiro na Perezida Volodymyr Zelenskyy na Minisitiri w’Ububanyi n’amahanga, Dmytro Kuleba.

Gusa Perezida Zelensky yanenze icyemezo cya Guterres cyo kubanza gusura Moscow mbere yo kujya i Kyiv.

Yavuze ko "atari byo kubanza kujya mu Burusiya mbere yo kujya muri Ukraine."

Yakomeje ati "Intambara iri muri Ukraine, nta mirambo iri mu mihanda ya Moscow. Byari kumvikana iyo abanza kujya muri Ukraine kureba abaturage baho, ingaruka z’iyi ntambara,"

Zelenskyy yongeye kwitsa ko akeneye kuganira na mugenzi we w’u Burusiya, nk’ibiganiro byonyine "byashyira iherezo ku ntambara."

Intambara mu Burusiya irakomeje, aho Minisiteri y’Ingabo y’u Burusiya yatangaje ko barashe ububiko bw’intwaro mu mujyi wa Kharkiv, bwabikwagamo intwaro zirasa kure.

Ku rundi ruhande, ambasade y’u Burusiya muri Leta zunze Ubumwe za Amerika yatangaje ko ibikorwa byayo byahagaze, kubera ko konti zayo zafunzwe ndetse abakozi bayo bakomeje guterwa ubwoba ko bashobora kwicwa.

Mu mijyi yasenywe cyane harimo Mariupol, mu majyepfo ya Ukraine
U Burusiya bukomeje kurasa imijyi itandukanye ya Ukraine

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .