Turikiya yariye karungu ku mwanzuro wa Amerika wo kwemeza Jenoside yakorewe Abanyarmenia

Yanditswe na Joy Monique Dukuze Umutesi
Kuya 13 Ukuboza 2019 saa 09:16
Yasuwe :
0 0

Ambasaderi wa Leta zunze Ubumwe za Amerika i Ankara muri Turkiya, yamahagajwe ngo asobanure umwanzuro Sena y’igihugu cye yafashe wo kwita ubwicanyi bwakorewe abanyarmenia, mu ntambara ya mbere y’Isi ‘jenoside’.

Turkiya yatanze umuburo ko uyu mwanzuro ushobora guhindanya umubano wayo na Amerika kuko urimo gufata amateka ukayagira ibibazo bya politiki.

Minisitiri w’ububanyi n’amahanga wa Turikiya yahamagaje Ambasaderi, David Satterfield kuri uyu wa Gatanu, ngo asobanure umwanzuro w’uko urupfu rw’abanyarmenia miliyoni 1,5 rwakwitwa Jenoside.

Ni umwanzuro wafashwe na Sena ya Amerika kuri uyu wa Kane ukurikiye uwafashwe muri Ukwakira n’inteko, ibi bikaba bituma ‘jenoside yakorewe abanyarmenia izajya yibukwa, igahabwa icyubahiro mu buryo bwemewe’.

Minisitiri w’Intebe wa Armenia, Nikol Pashinyan yashimye umwanzuro wa Amerika avuga ko ari ‘intsinzi y’ubutabera n’ukuri’.

Ati “Mu mwanya w’abaturage ba Armenia, ndashimira inteko ishinga amategeko ya Amerika...uyu mwanzuro uratera ingabo mu bitugu intambwe yo gukumira jenoside mu bihe bizaza”.

U Budage, u Bufaransa n’ibindi bihugu byo ku mugabane w’u Burayi byemeje ko iyicwa ry’abanya-Armenia ryitwa Jenoside.

Turikiya ivuga ko ‘yanenze kandi yamaganye icyemezo cya Sena ya Amerika’.

Nubwo Guverinoma ya Turkiya yemera ko abanyarmenia benshi bishwe n’abasirikare b’iyahoze ari Ottoman, ivuga ko byaba ari ugukabwa kubyita Jenoside.

Ivuga ko abanyarmenia bishwe atari benshi nk’uko bivugwa kandi ku mpande zombi hapfuye abantu nk’uko bigenda mu bihe by’intambara.

Nyuma y’isenyuka y’ubwami bwa Ottoman bugahindukamo Turikiya mu 1923, ibyakozwe byose ibigendera kure kugira ngo bitayisiga icyasha. Ibi binarimo ubwicanyi bwakozwe n’abasirikare b’ubwami bwa Ottoman.

Perezida wa Turikiya Recep Erdogan yamaganye inyito Jenoside mu gusobanura ubwicanyi bwakorewe abanyarmenia mu ntambara ya mbere y’Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza