Uyu muyobozi yavuze ko Ukraine yifuza gusinya amasezerano ajyanye n’ikoreshwa ry’umutungo kamere wayo mu kwishyura ikiguzi Amerika yayitanzeho muri iyi ntambara, ariko avuga ko iby’ubushake bwo kurangiza intambara bitaraboneka mu buryo bushimishije.

Ati "Ntekereza ko bazasinya amasezerano y’ikoreshwa ry’umutungo kamere. Ariko ndifuza ko bashaka amahoro. Magingo aya, ntabwo berekanye ko bifuza amahoro ku rwego byakabaye biriho."

Trump avuze ibi mu gihe inzego za Amerika na Ukraine zitegura kugana inzira y’ibiganiro bizabera muri Arabia Saoudite muri iki cyumweru, mu rwego rwo gushaka umuti w’intambara imaze imyaka itatu ica ibintu hagati ya Ukraine n’u Burusiya.

Ukraine yashinjwe kubura ubushake bwo kurangiza intambara n'u Burusiya