Trump yibasiye Obama wanenze uburyo akoresha arwanya coronavirus

Yanditswe na IGIHE
Kuya 18 Gicurasi 2020 saa 01:08
Yasuwe :
0 0

Perezida wa Leta Zunze Ubumwe za Amerika, Donald Trump yasubije Barack Obama yasimbuye, uherutse kunenga uburyo ubutegetsi bwa Trump buri gukoresha buhashya icyorezo cya coronavirus.

Mu mpera z’icyumweru gishize Obama yavuze ko ubutegetsi bwa Trump busa n’ubudahari mu rugamba rwo guhashya coronavirus.

Ni mu gihe icyo cyorezo kimaze guhitana abasaga ibihumbi 89 mu bantu miliyoni 1.5 banduye muri icyo gihugu.

Trump yavuze ko Obama ari we Perezida Amerika yagize utari ufite icyo ashoboye ku buryo atakabaye anenga abandi.

Yagize ati “Reba, yabaye Perezida w’inkorabusa. Ni ibyo namuvugaho.”

Yavuze ko ubutegetsi bwa Obama ari ubwa mbere bwaranzwe na ruswa n’imikorere mibi mu mateka ya Amerika.

Trump yavuze ko imitegekere mibi ya Obama na Joe Biden wari Visi Perezida we, ari byo byatumye afata umwanzuro wo kwiyamamaza ngo ayobore Amerika uko bikwiriye.

Trump anengwa kuba yaraburiwe kenshi hakiri kare ko coronavirus ishobora gushegesha Amerika, ntabyiteho avuga ko ari ibicurane bisanzwe.

Trump yavuze ko Obama ari we Perezida Amerika yagize utari ufite icyo ashoboye ku buryo atakabaye anenga abandi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .